A falta de profesionais cualificados é un problema que preocupa no sector das instalacións e da enerxía.
A Asociación de Empresarios Polígono San Cibrao responderá a esta demanda ofrecendo dous cursos formativos de soldadura e fontanería.
O primeiro deles, o de Soldadura con eléctrodo revestido e TIG, dará comezo esta mesma semana, o xoves 4 de novembro, e ofrecerá 759 horas de duración ata a súa finalización o 27 de xuño do 2022.
Hai un total de 15 prazas dispoñibles e conta cun módulo de prácticas non laborables.
Ambas as propostas inclúen a realización de prácticas en empresas para que os alumnos poidan poñer en práctica os coñecementos
Tamén dentro da aposta decidida pola formación da asociación empresarial está previsto que o 12 de xaneiro do 2022 comece unha nova acción encamiñada á especialización de fontaneiros e calefactores.
O curso, “Operacións de fontanería e calefacción-climatización doméstica”, terá unha duración de 558 horas e terminará o 6 de xullo. Así mesmo, ofrécense 15 prazas e prácticas profesionais.
Do mesmo xeito que no curso que comezará o xoves, trátase de que os alumnos poidan desenvolver, no seo dunha compañía, os coñecementos teóricos e prácticos adquiridos durante o curso.
Calcúlase que o sector do metal en Galicia necesita ao redor de 800 traballadores da automoción, eólica mariña, naval e maquinaria industrial
Os datos en relación coa falta de profesionais cualificados son preocupantes.
Calcúlase que o metal galego necesita 800 traballadores nos sectores de automoción, eólica mariña, naval e maquinaria industrial.
A Asociación de Empresarios do Polígono de San Cibrao pon o acento na formación para dar resposta ás necesidades do mercado laboral.
Cabe destacar que o seu Programa Integrado de Emprego ofreceu 1.200 horas de formación repartidas en 25 cursos de diferentes disciplinas, o que posibilitou unha inserción laboral de máis do 50 %.
Os cursos foron específicos en materia de soldadura, fontanería, e administración, así como en formación transversal, recursos informáticos e habilidades sociolaborais.