Empezaron na rotonda do Parque Tecnolóxico de Galicia as obras para a mellora do firme da Rúa Ricardo Martín Esperanza.
Estas actuacións sucederanse nos próximos días mellorando o asfaltado da vía principal entre as interseccións coa Rúa 2 e a Rúa 5.
Nese tramo non se permite o estacionamento nas beiravías xa que as obras afectarán á parte central da calzada quedando estas habilitadas para a circulación.
Nesta zona atopamos desde hai varios días barreiras disuasorias colocadas pola empresa que levará a cabo as obras e que indican que se prolongarán ata o 31 de agosto.
Por último, en futuras xornadas, completarase a mellora do firme no resto da Rúa 1.
Rogamos que se extremen as precaucións e se modere a velocidade de circulación cumprindo coa sinalización da vía.